Jólasnjór.
Það er dásamlegur jólasnjór úti. Ég sat heillengi í gluggakistunni áðan og horfði út. Drakk kanilte og borðaði piparkökur. Innvafin í flís og ull og jafnvel einhvern lopa líka!
Svo horfði ég á Love actually og komst í ennþá meira jólaskap.
Fer ekki alveg að verða í lagi að bjóða jólaskapið velkomið??
Ég er búin að fjárfesta í nýrri jólaplötu, sem ég mæli hiklaust með.
Diskurinn heitir Wintersong með Sarah McLachlan.
Frábær söngkona og flott lagaval.
Fæ gæsahúð frá hvirfli til ilja þegar ég hlusta á hana syngja River, gamla Joni Mitchell lagið.
Á morgun ætla ég að skreppa til læknis og fá lyf við eyrnabólgunni, sem er búin að plaga mig undanfarnar vikur. Ég er að verða ískyggilega heyrnarlaus vinstra megin, og þá er sennilega kominn tími á stórskotaárás á þessar bakteríur.
Vonandi að hálsbólgukvikindin séu næm fyrir sama lyfi og ég losni við
alla flóruna á einu bretti!
Ég er að verða lélegri og lélegri í íslenskunni. Vona að ég hafi giskað rétt og að kvikindi séu með einföldu. Úff.
nóvember 13th, 2006 at 23:04
Mér finnst þetta nú BARA fyndið. Um daginn þegar ég var í Reykjavík opnaði ég fyrir útvarpið eitt kvöldið þegar ég var að keyra heim úr stúdíóinu þar sem verið var að taka upp raddir á plötunni hans Sigga. Þá heyri ég þetta æðislega lag, heyrði ekki hver flytjandinn var en fannst eitthvað kunnuglegt við lagið. Þetta lét mig ekki í friði. Ég varð að fá að vita hver þetta var og hvað lagið hér. Ég skrifaði tölvupóst til dagskrárgerðarmannsins á Bylgjunni til að fá að vita hvaða lag þetta var … og svarið var … River með Sara McLachlan … og þá fattaði ég að þetta var Joni Mitchell lag af plötunni Blue sem ég meira að segja á. Við höfum alveg greinilega ekki ólíkan tónlistarsmekk
Ég er ákveðin í að verða mér úti um plötuna hennar Söru. Mæti svo á Flyðrugrandann hið fyrsta.
nóvember 14th, 2006 at 10:40
Þegar ég lendi í því að vera ekki viss hvernig orð er skrifað þá googla ég báðar útgáfurnar og það sem fær fleiri leitarniðurstöður vinnur
nóvember 16th, 2006 at 14:34
Hæ skvís! Jú mér finnst í góðu lagi að fara í jólaskapið enda stutt til jóla. Varstu að borða uppáhaldspiparkökurnar mínar “annas”??? Gerði mér vonir um að nýja IKEA yrði með þær í sölu þar sem þær opnuðu jú litla sænska “verslun” þar, en sá draumur minn mun ekki rætast! Þær verða sem sagt bara seldar í Svíþjóð í ár!! Ég sé þær hins vegar alveg í hyllingum get ég sagt þér og myndi gera ýmislegt til að fá eina dós af þeim! Já ég veit, ég er ekki í lagi. Alltaf jafn gaman að fylgjast með þér og hvað er margt skemmtilegt að gerast hjá þér, gott mál. Vonandi sé ég þig þegar þú kemur í desember til landsins. Hafðu það best, þín Anna á heilsó.
nóvember 17th, 2006 at 22:04
Anna 1:
Ég sé á blogginu þínu að við höfum bara alls ekki ólíkan tónlistarsmekk
Linda:
Ég googlaði. Fékk bara svo fáránlega margar niðurstöður úr hvorri leitinni! Svo leitaði ég að orðalista, fann hann og guess what? Báðar útgáfurnar með!
Anna 2:
Það ætti nú að vera hægt að redda eins og einni dollu af Annas fyrir þig!
nóvember 20th, 2006 at 12:41
Já vá mér hefði ekki dottið í hug að það kæmu svona margar niðurstöður fyrir orðið kvikyndi (11.700). Samt talsvert fleiri sem skrifa kvikindi (41.200).
Kannski er bæði leyfilegt fyrst það eru svo margar niðurstöður með y. Ef einhver hefði spurt mig þá hefði ég verið hörð á því að það væri ekki með y, hefði veðjað aleigu minni á það meira að segja